-
تنويه: للدراسين الجدد لشهادات سيسكو
لو بتدرس أو ناوي تدرس دورات #cisco ف هتحتاج تقرأ الموضوع دا
الطريقة التقليدية القديمة اللي بتنتهجها معاهد/مراكز التدريب فى شرح دورات سيسكو مثل CCNA و CCNP وغيرها أصبحت غير كافية لا من حيث تحصيل كل مواضيع الدورة ولا حتي لتخطي عقبة الاختبار !
من فترة سيسكو اطلقت منصة Cisco U – https://u.cisco.com في خطوة لمحاربة المعاهد التي تقدم دورات غير معتمدة من سيسكو .. المنصة هي المكان الرسمي من سيسكو اللى بتقدم عليه محتوي الدورات تبعها واللابات الخاصة بالتدريب علي الجانب العملي لكل دورة .. المنصة بتقدم بعض الدورات التأسيسة المجانية و الدورات المدفوعة.
الدورات فى المستوي التأسيسي مجانية .. الدورات في مستوي المبتدأ Associate-level بتحتاج اشتراك سنوي بـ 1800 دولار بدون ضريبة .. الدورات فى مستوي ال Professional-level و In-depth بتحتاج اشتراك سنوي 6000 دولار بدون ضريبة.
بردو سيسكو شافت ان الدورات لسه بيتم تدريسها فى المعاهد والمراكز بشكل غير معتمد ! وبسبب الأسعار المرتفعه لـ منصة Cisco U ف الكل بيهرب منها ! طيب سيسكو عملت ايه ؟
سيسكو أعلنت في سبتمبر الماضي ان هيكون فى تحديثات “دورية” لمواضيع الشهادات.قسمت كل التخصصات بتاعتها لـ 4 أقسام .. كل قسم هيتحدث بعد تلات مراحل:
1- Reviews
هيتم مراجعة موضوعات كل دورة للتأكد انها متماشية مع آخر تكنولوجيات سيسكو وان كانت الدورة فى حاجة الي تحديث.
2- Announce
في حالة وجود تحديثات ف سيتم الاعلان عن التحديثات التي سيتم اضافتها قبلها بفترة حتي يكون أمام الدارسين فرصة للانتهاء من اكمال دراسة الموضوعات الحالية قبل التحديث.
3- Publish
نشر وتطبيق التحديثات التي سبق الإعلان عنها وأي دارس جديدة للشهادة سيكون مضطر لدراسة التحديثات
“التحديثات اما تكون تحديثات ثانوية بمعني اضافة جزئية أو موضوع أو تكون تحديثات أساسية مثل حذف أجزاء من الدورة واضافة أجزاء جديدة بديلة”.للحصول علي التحديثات لكل دورة – https://learningnetwork.cisco.com/s/cisco-certification-roadmaps…
كل التحديثات للموضوعات هتكون متاحه أول بأول علي منصة Cisco U لأي دارس أو مشترك فى المنصة .. وعشان اي معاهد أو مراكز تدريب تحصل علي التحديثات دي محتاجة انها تكون معتمدة من سيسكو وبيترسل لها التحديثات أول بأول أو يكون لها اشتراك سنوي بـ 6000 دولار علي منصة Cisco U
*** انت كـ طالب/متدرب تعمل ايه ؟
– قبل ما تسجل فى دورة تدريبية لـ سيسكو فى أحد المعاهد قم بطباعة الـ Outlines “قائمة المواضيع” الخاصة بالدورة وتأكد انها نفس المواضيع التي ستدرسها فى المعهد.
(للحصول علي مواضيع كل دورات سيسكو – https://learningnetwork.cisco.com/s/cisco-certification-roadmaps)– كثير من لابات العملي للدورات تحتم وجود Cloud Access لك كـ متدرب علي أحد مراكز البيانات لـ سيسكو للوصول الي أحدث الـ Hardware والـ Software تبعها وهذا طبعا بيكون عقبة أمام معاهد التدريب الغير معتمدة من سيسكو اللى عندها نفس الأجهزة من سنين دون تحديث .. لذلك قم بالتأكد من توافرية هذا الشيء لك كـ متدرب قبل التسجيل فى الدورة.
بالتوفيق دائما,,
-
1 الرد
-
كلام فى غاية الاهمية ، شكرا على التوضيح
قم بتسجيل الدخول للرد