-
DNS (cont’d)
المرة اللي فاتت اتكلمنا عن الـ DNS وفهمنا دوره في تحويل أسماء النطاقات (Domains) اللي بنكتبها لعناوين IP عشان الأجهزة تقدر تتواصل مع بعضها على الشبكة. النهاردة هنتعمق أكتر ونتعرف على حاجة جديدة اسمها الـ Records اللي بيحتوي عليها الـ DNS.
لو بصيت على الصورة اللي عندك، هتلاحظ إن أول سطر فيه اسم الدومين اللي هو “http://www.zonetransfer.me“. بجانب الاسم هتلاقي رقم 7200، وده هو الـ TTL أو “Time To Live“. الرقم ده بيعبر عن مدة الانتظار قبل ما يتحدث الـ DNS للتأكد من وجود أي تغييرات على الدومين.
بعد كده، هتشوف كلمة “IN” اللي ببساطة بتوضح إن الـ Record ده موجود على الإنترنت. لكن اللي عايزين نركز عليه هو النوع “A“. النوع ده من الـ Records بيقولك إن الدومين “http://www.zonetransfer.me” مرتبط بعنوان IP عام (Public IP Address) هو 5.196.105.14.
يبقى نقدر نقول إن الـ A Record بيوضح لنا الـ IP Address الخاص بالدومين.
لكن لو نزلت لتحت شوية في الصورة، هتلاقي نوع تاني من الـ Records اسمه “AAAA“، وهو مشابه للـ A Record، لكنه بيوضح عنوان IP من نوع IPv6 بدل من IPv4.
لو نزلت كمان شوية لتحت، هتلاقي نوع جديد اسمه “CNAME“. ده بقى مفيد لما تكتب دومين مختصر زي “example.com” بدل من “http://www.example.com“. الـ CNAME بيساعد في تحويل الدومين المختصر إلى الدومين الكامل تلقائياً. يعني لو كتبت “testing.zonetransfer.me”، هيحوله تلقائيًا إلى “http://www.zonetransfer.me“.
ولو استمريت في النزول لتحت هتلاقي نوع اسمه “MX“. ده مفيد لو كنت صاحب شركة وعايز تستخدم إيميل خاص بالشركة على الدومين بتاعها، زي “[email protected]“. الـ MX Record بيساعد في توجيه الإيميلات للـ Mail Server الصحيح اللي بيكون مسؤول عن استلام الإيميلات. في المثال اللي عندنا، الشركة دي بتستخدم خدمات جوجل ميل لاستضافة إيميلاتها.
-
0 ردود
عذرا، لم يتم العثور على ردود.
سجل دخول للرد