• شروحات الأعضاء

  DNS (cont’d)

  نشر بواسطة Ahmed Yasser Sharabiaa في سبتمبر 20, 2024 في 9:41 م

  المره ال فاتت اتكلمنا عن بعض أنواع الـ DNS Records ووضحنا دورها في الشبكة. النهاردة هنكمل رحلتنا في الـ DNS،

  أول حاجة، زي ما قولنا قبل كده إن دور الـ DNS هو إنه يحول اسم الدومين (Domain) إلى عنوان IP باستخدام الـ A Record لكن جت في بالك فكرة، إيه اللي ممكن يحصل لو قلبنا العملية؟ يعني بدلاً من إننا نسأل الـ DNS عن الـ IP للدومين، نسأله عن الدومين المرتبط بـ IP معين؟

  هنا بييجي دور الـ PTR Record، واللي هو اختصار لـ “Pointer Record“. الـ PTR بيسمح لنا نعمل حاجة اسمها Reverse Lookup

  >> يعني ندي للـ DNS عنوان IP ونطلب منه يقولي اسم الدومين المرتبط بالعنوان ده.

  ممكن تسألني “طب إيه الفايدة؟ طبيعي إني أفتكر اسم الدومين مش الـ IP، ليه أعكس العملية؟”. مثال شائع على استخدام الـ PTR هو عند التعامل مع الإيميلات.

  دلوقتي، تخيل إنك بتستقبل إيميل من “[email protected]“، والميل سيرفر الخاص بـ example.comبيبعتلك الرسالة. هنا سيرفر الإيميل بتاعك بياخد عنوان الـ IP للميل سيرفر الخاص بـ example ويعمل له Reverse Lookup. لو النتيجة رجعت “example.com”، السيرفر بتاعك هيعتبر الإيميل موثوق ويستلمه بشكل طبيعي. لكن لو رجع دومين مختلف، هيبدأ يشك في الرسالة وقد يرميها في صندوق الـ spam، أو حتى يرفض استقبالها تماماً لو مفيش أي نتيجة للـ Reverse Lookup.

  وده سبب إن بعض الرسائل بتروح للـ spam لما الـ PTR Record يكون مش مضبوط، عشان السيرفرات بتعتبرها غير موثوقة أو خطيرة.

  نرجع بقى للصورة اللي عندك عشان نتكلم عن آخر نوع من الـ DNS Records اللي اسمه “

  SOA :

  1. أول حاجة الـ MNAME: وده بيوضح الـ primary nameserver المسؤول عن الدومين. عادة بيكون فيه secondary nameserver كنسخة احتياطية لو الأساسي تعطل.

  2. الـ RNAME: من خلاله بنقدر نعرف الإيميل الخاص بمدير الـ nameserver.

  3. السيريال: ده رقم مميز للـ nameserver بيساعد في تتبع النسخة الحالية على الإنترنت.

  4. الـ Refresh: وده الوقت اللي بيحتاجه الـ secondary nameserver قبل ما يعمل فحص لأي تغييرات على الـ SOA.

  5. الـ Retry: وده المدة اللي بيستنى فيها الـ secondary nameserver لو حاول يتواصل مع الـ primary ولم يتلقى رد، وبعدها يعيد المحاولة.

  6. الـ Expire: في حالة عدت مدة معينة بدون استجابة من الـ primary nameserver، هنا الـ secondary بيعتبر الـ primary خارج الخدمة وميقدرش يعتمد عليه في تحديثات الدومين.

  

  Ahmed Yasser Sharabiaa قام بالرد منذ 2 أسابيع 1 عضو · 0 ردود
• 0 ردود

سجل دخول للرد