• شروحات الأعضاء

  DNS (Domain Name System)

  نشر بواسطة Ahmed Yasser Sharabiaa في سبتمبر 18, 2024 في 8:27 م

  في الزمن اللي كان فيه التليفون القديم بسلكه الطويل يعتبر من أعظم الاختراعات، كان دايماً بيكون جنب التليفون دفتر صغير. الدفتر ده كان مليان أرقام تليفونات مسجلة بجانب أسماء الناس، عشان لو حبينا نتصل بحد، نفتح الدفتر، نبحث عن الاسم، ونتصل بالرقم اللي قدامه. دا كان حل عبقري لمشكلة بسيطة وهي صعوبة حفظ الأرقام، فالأسماء أسهل للحفظ.

  بالنسبة لنا كبشر، إحنا بنفتكر الأسماء أفضل من الأرقام، وده زي بالضبط لما دلوقتي بنفتح الموبايل، بنبحث عن اسم الشخص اللي عايزين نتصل بيه، وطبعاً الموبايل مش بيتصل بالاسم، لكنه بيتصل بالرقم المرتبط بالاسم.

  نفس الفكرة بنطبقها على الشبكات. الأجهزة اللي على الشبكة بيكون لها عنوان إلكتروني (IP) مشابه للأسماء. لما بنحب نوصل لموقع زي Google.com، بنكتب الاسم ده لأنه أسهل، بدل ما نكتب عنوان الـ IP المعقد، زي “172.217.164.78“.

  في الواقع، مفيش حاجة على الشبكة اسمها “اسم دومين” (Domain) بالمعنى الحرفي. كل حاجة بتعتمد على الـ IP. بس ازاي إحنا بنكتب Google.com والموقع بيفتح؟ هنا بيجي دور الـ DNS (نظام أسماء النطاقات)، <b style=”font-family: inherit; font-size: inherit; color: var(–bb-body-text-color); background-color: var(–bb-content-background-color);”>وده هو المسؤول عن تحويل الاسم اللي كتبته للـ IP الفعلي للسيرفر اللي بيوصلنا للموقع. العملية دي اسمها “حل اسم النطاق” (Domain resolving).

  • الـ DNS نفسه فيه 4 أنواع رئيسية. هنتكلم عنهم ببساطة :

  1. لما تفتح المتصفح وتكتب اسم دومين زي “example.com”، أول خطوة المتصفح هيطلب من جهازك “هو أنت تعرف الـ IP المرتبط بالدومين ده؟” لو جهازك مش عارف، هيرد بإنه مش متوفر عنده.

  2. المتصفح بعد كده هيروح للـ DNS Resolver، وده بيكون الـ DNS الخاص بشركة الإنترنت بتاعتك. الـ Resolver بيشوف في الـ cache (الذاكرة المؤقتة) لو كان فيه IP مرتبط بالدومين ده، لو موجود هيعرضه. لو مش موجود، هيبعت الاستعلام لـ DNS أعلى.

  3. هنا يدخل دور الـ ROOT DNS ، ولو ملاقاش الـ IP، هيبعت الاستعلام لـ TLD DNS (وهو مسؤول عن النطاقات اللي بتنتهي بـ .com أو .net).

  4. أخيراً، لو لسه الطلب مش متجاوب، الاستعلام هيروح للـ Authoritative DNS، وده المسؤول عن توفير الـ IP النهائي وبيشوف كمان هل ليك الحق في الوصول ليه ولا لا.

  Ahmed Yasser Sharabiaa قام بالرد منذ 1 يوم, 2 ساعات 1 عضو · 0 ردود
• 0 ردود

سجل دخول للرد