-
some definitions in active directory and domain controller
السلام عليكم هتكلم معاكم انهارده عن بعض المصطلحات المهمه و الي لازم اي شخص يكون عنده علم بيها
🔵 Active Directory
⬅️ هي قاعدة بيانات بنخزن فيها البيانات اللي تخص المستخدمين، الأجهزة، وموارد الشبكة وبياناتهم. من خلالها بنقدر نتحكم بشكل كامل في الموارد زي الـUsers، Groups، وMachines.
🔵 Organization Unit (OU)
⬅️ دي زي الفولدر، بننظم فيه مجموعة Objects بهدف تنظيم الـFolders بشكل مميز ومايبقاش كل الـUsers في فولدر واحد.
🔵 Domain Controller
⬅️ ده الجهاز الفعلي اللي هيتحكم في الأجهزة الموجودة في الـDomain.
🔵 في عندي Two Models للأجهزة اللي بتشتغل ضمن Active Directory:
✅️ Workgroup:
الأجهزة كلها بتبقى زي بعض (Peer-to-Peer)، يعني مفيش جهاز يتحكم في التاني، سواء كانت الأجهزة كلها Clients أو كلها Servers، بتشتغل بشكل مستقل عن بعضها.
✅️ Domain:
الأجهزة بتشتغل في نطاق مركزي. عندي أجهزة بتشتغل Clients وأجهزة بتشتغل Servers. الـDomain Controller هو الـServer اللي بنزل عليه الـRole عشان يتحكم في الـDomain.
Centralized Admin
هو المدير اللي بيشتغل من مكان واحد وبيقدر يوزع التكوينات (Configurations) ويتحكم في الـUsers والأجهزة.
✅️ User Repository:
ده مستودع للمستخدمين، من خلاله بقدر أنشئ مستخدمين وأعمل join للـDomain باستخدام الحسابات دي.
✅️ Group Policy:
من خلالها بقدر أتحكم في الأجهزة زي مثلاً إني أقفل الـCMD، أغير خلفية الجهاز، أو أتحكم في التطبيقات اللي بتظهر. الـGroup Policy ممكن أطبقها على الـOU عشان أتحكم في السياسات بشكل آمن.
✅️ Tree Domain:
ده مجموعة من المجالات (Domains) بنربطهم بعلاقة بين Parent Domain وChild Domain، وبيتم تنظيمهم في شجرة واحدة.
✅️ Forest:
هي مجموعة من الـActive Directories اللي ليها نفس الخصائص في بيئة Windows Server. كل Domain في الـForest بيبقى مستقل بس ممكن نربطهم مع بعض. كل Parent وChild مع بعض بيعملوا Tree ضمن الـForest.
✅️ Trust:
لو عايز الموظفين في شركتين يقدروا يعملوا Access على الأجهزة في الشركتين ويتفاعلوا مع بعض، بنستخدم الـTrust. -
0 ردود
عذرا، لم يتم العثور على ردود.
سجل دخول للرد