السلام عليكم،

————————————————————————————————————

فيه ناس كتير جدا في مرحله تاسيس بتبقي محتاره بين انها تدرس كورس A+ ولا لا ولو درسته لازم تدرسه بالكامل ولا لا

لو عندك معرفه بالكمبيوتر ومكونات وازاي بيشتغل و وظيفه كل مكون بداخل وازاي تستخدم كمبيوتر وبرامجه يبقي مش هتحتاج تدرس A+ لكن لو متعاملتش نهائي مع جهاز كمبيوتر قبل كده ف هتحتاج تدرسه

————————————————————————————————————

ثانيا فيه ناس بتحتار تدرس كورس Network+ ام CCNA اجابتي هتختلف علي حسب هدفك لو كان هدفك تدرس cyber security ف كفايه كورس Network+ ولو درست اساسيات شبكات في جامعه مش هتحتاج تدرسها ولو انت عايز تختار تخصص شبكات يبقي ده مجالك الاساسي ف افضل خيار CCNA لانها بتغطي مواضيع اكتر من Network+ وهتسهل عليك تكمله في مسار شبكات

————————————————————————————————————

ثالثا فيه ناس بتسال عن برمجه وهل هي مهمه ل cyber security ولا لا؟

البرمجه لا شك انها بقيت مهمه سواء للناس اللي بتتعلم cyber security والناس اللي ليس لها علاقه ب cyber security ف لازم يبقي عندك معرفه بالبرمجه

هيجي حد يقولي ادرس برمجه لحد فين وادرس لغه برمجه اي؟

كل اما تبقي شاطر في برمجه هتبقي شاطر في cyber security وادرس لغه برمجه اي ف اي لغه برمجه بس تتقن اساسياتها لانك لو درست لغه برمجه واحده لكن اتقنتها هتقدر تدرس اي لغه تانيه لانهم نفس concept بس فيه بعض اختلافات زي syntax لغه وهي طريقه كتابتها واستخداماتها طيب اي اشهر لغات برمجه مستخدمه في cyber security؟ اشهر لغات برمجه وهي بايثون، روبي، c، js، perl وغيرهم لكن دول اشهرهم

————————————————————————————————————

بالتوفيق