السلام عليكم
—————————————————-
المقال ده عن Malware (البرمجيات الخبيثه) هنتكلم عن تعريفه و انواعه وخطورتها وطرق حمايه منها
—————————————————-
1- تعريف Malware: كلمه Malware هي اختصار ل malicious software خدوا اول 3 حروف من كلمه malicious واخر اربع حروف من كلمه software وتكون مصطلح malware ده مصطلح بيشير الي برمجيه خبيثه بتسبب اضرار وتسرق بيانات ويتم تجسس عليك من خلالها
—————————————————-2- انواع Malware:
2.1- Virus: وده من اشهر انواع Malware وده بيبقي مرفق بملف او برنامج بيبقي active لما تشغل برنامج لكن لو مشغلتش برنامج مش هيحصل ضرر لجهازك طيب اي اضراره؟ اضراره وهي سرقه بيانات من جهاز او الحاق ضرر بالجهاز عن طريق مسح ملفات وتخريب نظام

2.2- Worm: نوع ده يختلف عن virus في انه لا يحتاج لملف للالتحاق به عشان ينتقل من جهاز لاخر هو ينتقل عن طريق شبكه ولا يحتاج تفاعل منك عكس virus اللي يحتاج تفاعل منك عشان يشتغل ال worm اضراره في انه بيسبب بطئ في شبكه وتوقف خدمات

2.3- Trojan (حصان ترواده): نوع ده بيبقي كانه برنامج سليم لا يحتوي علي اي برامج خبيثه لكن بمجرد تحميله بيبقي فيه كود خبيث بيتم تنفيذه ويقدر attacker يسرق بيانات

2.4- Adware: نوع ده بيظهر ليك اعلانات نوع ده مش مضر الا انه بيسبب ازعاج للمستخدمين

2.5- Ransomware (فايروس فديه ): وده يعتبر من اشهر واخطر انواع Malware نوع ده بيتسبب في تشفير بيانات وعشان تفك تشفيرها لازم تدفع ل attacker او انك تنزل نسخه جديده من نظام تشغيل نوع ده تسبب في خسائر بالملايين ومن اشهر فايروس فديه هو WannaCry وده ظهر في 2017 ابحثوا عنه واكتشفوا ازاي قدر ينتشر عليعدد كبير جدا من الاجهزه حول العالم

2.6- SpyWare: نوع ده بيستخدم في تجسس علي مستخدمين ومراقبه نشاطهم وجمع معلومات عنهم زي معاملات ماليه وسرق بيانات credit card وغيرها

2.7- Hybrid: وده نوع بيبقي هجين بيبقي Malware ليه اكتر من وظيفه بيبقي مختلط بين اكتر من نوع ممكن يسرق بيانات وبعدين يشفرها ف نوع ده بيبقي ليه اكتر من وظيفه

دي كانت اشهر انواع Malware فيه انواع كتيره تانيه بس حبيت اذكر اشهرهم فقط
—————————————————-
طرق حمايه من Malware:
1- استخدام برامج مكافحه فيروسات زي antivirus ومن افضل شركات اللي بتصدر antivirus شركه kaspersky
2- تحديث نظام بشكل مستمر عشان لو فيه اي مشكله امنيه في نظام تبقي انت حدثت نظام والمشكله لاتصيبك
3- متحملش برامج من مواقع غير موثوقه لان بيبقي معظمها فيه malware ممكن يضر جهازك وبلا البرامج مكركه لان اللي بيعمل ليها crack هيتعب ويعمل reverse engineering لحد ما يكرك برنامج بعدين ينشره مجانا اكيد مش عشان سواد عيونك 😂 اكيد بيزرع فيه malware عشان يخترق الاجهزه ويستفاد منها في انه يحصل علي بيانات credit card او يبتزك وغيرهم
4- ممنوع فتح اي روابط يعني بلاش تفتح روابط اي حد يبعتها ليك حتي لو اخوك لان اخوك نفسه ممكن يكون متهكر ممكن تاخد url وتحطه في موقع urlscan.io وده هيعرفك لينك ده هيوديك علي موقع اي وهيديك صوره ل موقع من داخل وهيعرفك شويه معلومات عن موقع من خلالها هتقدر تحكم اذا كان رابط سليم ولا لا
5- اخر حاجه بقا وهي عدم اغلاق firewall واستخدام كلمه مرور قويه وحاجات معروفه دي
—————————————————-
وبس كده اتمني تكونوا استفادتم 🤍