• شروحات الأعضاء

  شرح سريع ل بروتوكول dns

  نشر بواسطة ahmedmohamed1521 في سبتمبر 3, 2024 في 10:07 م

  السلام عليكم هتكلم معاكم انهارده سريعا عن بروتوكول dns

  DNS هو عبارة عن بروتوكول بنستخدمة طول الوقت أثناء تصفحنا للإنترنت.

  يقوم هذا البروتوكول بربط Domain بعنوان برتوكول الإنترنت IP Address ومن خلاله نقدر نتصفح بدون الحاجة إلى حفظ أرقام الـ IP الخاصة بكل موقع

  لفهم البروتوكول دا اكتر خلينا نضرب مثال زي جهات الاتصال الي عندك فالموبايل ، بدل ما تحفظ مئات الأرقام لأسرتك وأصدقائك انت بتقوم بحفظهم كأسماء أو جهات اتصال على هاتفك فلما تيجي ترن علي حد تكتب اسمه علي طول بدل ما تكتب الرقم .
  ودا اقرب تشبيه لـ DNS، فهو بيمثل الدليل الخاص بمواقع الإنترنت، يعني لما تكتب اسم الموقع الي عاوز توصله بيقوم الDNS بترجمته إلى عنوان الـ IP الي المتصفحات تقدر تفهمه .

  دلوقتي هنشرح بالتفصيل كيفية عمل الـ DNS من خلال تقسيم عملها إلى مراحل أو خطوات للتسهيل:

  1- التأكد من وجود عنوان الـ IP الخاص بالرابط
  لما بتكتب الرابط الخاص بالموقع في متصفحك المتصفح هيتأكد من إذا كان عنوان الـ IP الخاص بهذا الموقع مُخزن في الذاكرة المؤقتة Cache Memory ولا مش متخزن عنده ، لو كان موجود يقوم بتحويلك إليه، وإذا لم يكن يقوم بالتواصل مع DNS Resolver

  2- التواصل مع خادم DNS المُقرر DNS Resolver
  زي ما قولنا لو عنوان ال IP مش مُخزن عندك هيقوم بالتواصل مع DNS Resolver الي عادة بيكون مزود خدمة الإنترنت ISP الخاص بك.
  الـ DNS Resolver هيتأكد من وجود عنوان الـ IP في الذاكرة المؤقتة ، لو موجود عنده هيبعته ليك، أما إذا مكانش موجود فسيبدأ عملية التواصل مع خوادم DNS الأخرى
  .
  3- التواصل مع خادم الجذر Root DNS Server
  في حال لم يكن الـ IP مخزنًا على خادم DNS المقرر، فهيقوم بالتواصل مع خادم الجذر Root DNS Server ليبحث عن عنوان الـ IP الخاص بالدومين الي انت بتبحث عنه.
  خادم الجذربيقوم بتفكيك الـ URL أو الرابط إلى الدومين الرئيسي والدومين الفرعي.
  مثلًا: www.example.com سيقوم بتفكيكه إلى الدومين الرئيسي .Com والدومين الفرعي linkedin علشان يقدر يوجهك إلى خادم النطاقات العليا الصحيح Top Level Domain Server أو TLP Server

  4- التواصل مع خادم النطاقات العليا TLD
  في حالة www.example.com خادم الجذر هيوجهك إلى خادم TLD المسؤول عن دومين .Com، والي بيضم بداخله كل الخوادم المسؤولة عن المواقع التي تنتهي بـ .COM
  الخادم دا مش هيوفرلك برضو عنوان الـ IP للموقع الي انت عاوزه، ولكنه هيقوم بتحويل الطلب Query الخاص بك إلى الخادم الموثوق الصحيح

  5- التواصل مع خادم DNS الموثوق Authoritative DNS Server
  دي هي الخطوة الأخيرة بعد توجهيك إلى خادم DNS الموثوق الخادم بيدور في قاعدة البيانات الخاصة به لحد ما يطابق الدومين أو الموقع الي انت بحثت عنه ، وبعد كدا يديك عنوان الـ IP المطلوب.

  وبكدا تكون قادر على الوصول إلى الموقع الي انت عاوزه. هحطلكم برضو صوره توضح العملية دي بحيث الموضوع يكون واضح اكتر

  ahmedmohamed1521 قام بالرد منذ 2 أسابيع, 2 أيام 1 عضو · 0 ردود
• 0 ردود

سجل دخول للرد