-
تجربة إختبار eCTHPv2
بسم الله الرحمن الرحيم
انا هتكلم عن تجربة اختبار eCTHPv2
أولا انا ذاكرت المنهج من كورس المهندس أحمد سلطان المدفوع علي الموقع
وهو بيغطى الجزء النظرى بشكل رائع, وبالنسبة لاللابات فأنا شايف انه مغطى المهم منها
أنا عندى إشتراك بريميوم في INE وبأمانة شوفت كل اللابات
ولكن في كتير منها انا شايف انها بعيدة عن المنهج وغير مفيدة للاختبار وما هى الا استعراض لطرق مختلفة لكتابة query
Query كبير ومعقد عشان يوصل لنتيجة واحدة, وانا شايف انه الافضل في المرحلة دى ان كل واحد يبحث بطريقته, ويكتب الكويرى بالتدريج ويحلل النتايج ويعدل تانى أفضل مليون مرة من حفظ كويرى ممل وغير مفيد, فرايي بصراحة تكتفى بالجزء المشروح, وحاول تجرب بنفسك علي اى منصه زى Try Hack me, Hack the box, Cyber defenders
بالنسبة للإختبار:
هو عبارة عن 3 سيناريوهات:
الاول بيديك ريبورت threat intelligence report
عن نوع اتاك معين حصل في بنك
والمفروض انك تتبع الاتاك بكل مراحل cyber kill chain علي كل الأجهزة
بإستخدام Splunk
وطبعا هتبدى ب IOC
المذكورة في الريبورت ومنها هتمشي بتسلسل منطقى هتلاقى نفسك وصلت بكل سهولة ان شاء الله
ومع كل مرحلة من الاتاك هترجع للريبورت تشوف الطريقة او الطرق الي بتم بيها المرحلة دة من الاتاك
الثانى هو Malware hunting in Memory
بإستخدام Volatility
بيديك نوع مالوير معين بتدور عليه, وهو بيقولك تشوف علي الانترنت ازاى تلاقيه
وهنا لازم تبقى عارف تشتغل كويس علي اداة Volatiliy
وكمان ايه هى ال indicators بتاعة الاتاك الي هيطلبه
وانا شايف ان السناريو ده مضمون بنسبة كبيرة ان شاء الله
السيناريو التالت ب ELK
وده بيطلب من; تطلع 6 TTP
هو بيديك اسم وكود كل واحد على MITRE ATTACK
وانت كل الي عليك تبحث ازاى تلاقى كل واحد باستخدام ELK
برضه مفيش أسهل من كده
ده بإختصار السناريوهات
انا بصراحة أعصابى كانت هادية وريلاكس جدا عن اختبار eCIR
وكنت مجمع السناريو فى دماغى ومكتش خايف زي قبل كده
انا استخدمت Kaspersky VPN, عشان الكونكشن تبقي ثابتة
وكمان وقفت ل antivirus
عشان كان بيعملى مشاكل في الكونكشن وبيدى alarms كتير
أهم حاجة تكون هادى حتى لو شفت حاجة جديدة عليك مثلا في السيناريو الأخير
ال AI مسبش حاجة وخليه جنبك طول الاختبار
و آخر حاجة حاول تكتب الريبورت اول باول, بدون ما تعمل ايديت او تضيف صور, لان ده سهل عليا كتير جدا كتابة الريبورت, وممكن تكتب كلمة او تسيب علامة للمكان الي هتضيف فيه الصور بعد كده
لان فعلا دماغك هتبقي حاضرة وهيبقى افضل وقت تعبر عن الي فدماغك جوة الريبورت
وبعدين هتبقي اعادة صياغة وتنسيق فقط للنص والصور
وربنا يوفق الجميع بإذن الله
-
2 ردود
-
تسلم ايدك يا مصطفي ❤
-
تسلم يا هندسة، ربنا يبارك في حضرتك ❤️
-
سجل دخول للرد