هل تكفي الدراسة الجامعيه لتعلم الامن السيبراني؟
مرحبا بالجميع
من اكتر الاسأله اللي بواجها بشكل يومي وهي هل لو انا في كليه ليها علاقه بمجالات الIT سواء كانت حاسبات ومعلومات او جامعات تكنولوجيه او كليه الهندسه قسم حاسبات ومعلومات هل اقدر اعتمد عالمناهج بتاعت الكليه في تعلم الاساسيات وبعد ماادرس في الكليه المناهج دي اتخصص علطول؟
طيب نمسك السؤال جزء جزء ونجاوب بالتفصيل (اجابتي هي رائي شخصي مش بالضروره تكون متفق معي)
علشان تدخل مجال الامن السيبراني في 4 اضلع للمجال دا علشان تكون متأسس صح وهما
1: البرمجه 2: الشبكات 3: انظمه التشغيل 4: مبادئ واسس الحمايه
المحتوي في المناهج التعليميه في الجامعات سواء المصريه او في الخليج عموما يكفي لتعلم اساسيات الامن السيبراني وتقدر تعتمد عليه ولكن ينقصه بعض الاشياء علشان تقدر تحقق اكبر استفاده وتكون متأسس بشكل قوي
في مجال البرمجه بيتم شرح لغات البرمجه بشكل نظري اكتر من العملي ودي مشكله انك لازم تتطبق عملي اكتر
طيب دي مشكله هنحلها ازاي ؟ الحل انك تطبق عملي كتير جدا جدا فيه مواقع زي elzero web school & W3School &LeetCode &CodeWars دي كلها مواقع تقدر تتطبق عليها عملي باايدك وتحل تحديات علشان يكون مستويات قوي في البرمجه
في مجال الشبكات دايما المناهج بيكون محتواها العناوين الرئيسيه فقط زي عنواين البروتوكولات والسويتشات والراوترات ………..الخ ومينفعش تعتمد علي محتوي الكليه بشكل كامل في تعلمك لاساسيات الشبكات
طيب الحل اي ؟
Computer Networking: A Top-Down Approach” by James Kurose and Keith Ross
“Network+ Guide to Networks” by Jill West, Tamara Dean, and Jean Andrews
“CCNA Routing and Switching Complete Study Guide” by Todd Lammle
دول تلت كتب من افضل المصادر اللي تقدر تعتمد فيها علي دراستك للشبكات
وكمان موجود علي نت رايدرز اكادمي كورس النتورك بلس ودا يغنيك جدا عن الكتب لو هتزاكره بالتفصيل
انظمه التشغيل ودايما وبشكل يومي هتتعامل مع نظامين وهما ويندوز وكالي لينكس والاتنين في الغالب ملهومش اي محتوي في المناهج الخاصه بالجامعات لكن تقدر تدرس كورس اللينكس بلس كافي جدا لتعلمك لنظام كالي لينكس
وتقرأ الكتب دي هتفيدك جدا في التعمق في النظام وفهمه بعمق
Kali Linux Revealed: Mastering the Penetration Testing Distribution” by Raphael Hertzog, Jim O’Gorman, and Mati Aharon
Kali Linux – An Ethical Hacker’s Cookbook” by Himanshu Sharma
Mastering Kali Linux for Advanced Penetration Testing” by Vijay Kumar Velu
مبادء واساسيات الحمايه دي لازم ليها كورسات منفصله ودايما بننصح بكورس السيكيورتي بلس لان دا افضل اختيار لتعلمك لاساسيات الحمايه لان هتدرس فيه طرق الحمايه الخاصه بالويب والشبكات ………………الخ
والكورس موجود علي موقع نت رايدرز الاصدارين مجاني ومدفوع
كدا جاوبنا علي سؤال اقدر اعتمد علي محتوي الجامعه في الاساسيات ولا لا وقولنا الحلول اللي تعملها علشان تحقق اكبر قدر من الاستفاده
اللي عنده اي استفسار اخر يضيفه في التعليقات وان شاء الله اجاوبه
دمتم بخير
الردود