مرحبا بالجميع

الموقع حاليا عليه ما يقرب من 50.000 طالب والاساله اللي دايما بتسأل فيه اغلبها بتكون مكررة بشكل كبير جدا جدا فاانا جمعت اشهر 10 اساله بتسأل فيهم وهجاوب عليهم هنا منعا لتضيع الوقت لان في الغالب بناخد وقت عقبال ماارد بسبب العدد الكتير اللي بيسأل , توكلنا علي الله

================================================================================

1: ادرس دوره الsecurity+ 601 ولا security + 701 ؟

ج: دايما ننصح بدراسه اخر اصدار من الدوره ودا لعده اسباب منها ان بتكون فيه تطورات كتير في المحتوي وخطاء تم تعدليها وكمان فيه مواضيع اضافيه كتير تم اضافتها ومواضيع انتهت بيتم ازالتها الاجابه قطعا لو انت مقتدر ماديا اشتري الدوره الاخر اصدار دا هيكون افضل ولكن اذا غير مقتدر ممكن ياما تبلغني وارسلك فاوتشر تستخدمه اذا كان متاح او تزاكر الاصدار 601 وتشوف المواضيع اللي تم اضافتها في الاصدار 701 وتزاكرها بنفسك

———————————————————————————————————————————————–

2: انا بدرس it في الكليه هل لازم ادرس دوره الA+

ج: الدوره دي مخصصه للناس اللي عمرها مقعدت علي جهاز كومبيوتر في حياتها فلو انت بتدرس it في الكليه متاخدش الدوره دي لان مش هيكون ليها لازمه وهتكون بتضيع وقتك وكل المعلومات هتكون عديت عليها

———————————————————————————————————————————————–

3: انا درست ماده الشبكات في الكليه هل لازم اخد دوره الccna؟

ج: لا مش شرط تاخد ccna ولكن نظرا ان محتوي الكليه بيكون دايما ينقصه بعض الاشياء ننصح بالقاء نظره علي محتوي دوره النتورك بلس ودا علشان تكون عندك درايه بالمواضيع التأسيسيه بشكل قوي

———————————————————————————————————————————————–

4: تنصحني ادرس مجال في امن المعلومات؟

ج: انصح دايما باانك الاول تبص علي تخصصات امن المعلومات اي ودا لان فيه اكتر من 20 تخصص فيه الموضوع مش مقتصر علي انك تكون Red Team & Blue Team لان فيه تخصصات تانيه كتيره جدا فاانت اقرا عن التخصصات وبعدها شوف سوق العمل بيطلب اي واتخصص فيه

———————————————————————————————————————————————–

5: هل انا مطالب بتعلم برمجه بشكل متعمق جدا علشان اقدر ادخل المجال؟

ج: يفضل ولكن ليس شرط كطالب في البدايه انك تكون خبير في البرمجه ولكن يفضل تتعلم الاساسيات علشان دا هيسهل عليك بعض الامور لما تتطور في المجال اكتر

———————————————————————————————————————————————–

6: هل لازم تاخد شهاه Certfied علشان تلاقي وظيفه ؟

ج: الشهاده ما هي الي طريقه لتسهيل حصولك علي وظيفه وانها تثبت انك عندك علم ودرايه بالمجال مش اكتر ولا اقل ومش عامل اساسي لحصولك علي وظيفه

———————————————————————————————————————————————–

7: هل لازم اكون دارس كورسات كتيره جدا علشان احصل علي وظيفه؟

ج: لا مش مطالب انت شخص لسه جونيور لما بتدخل انترفيو هو بيقيس عندك الفهم بتاعك وربطك للسيناريوهات اللي ممكن تحصل وهل متأسس بشكل قوي ولا لا بس مش اكتر ولا اقل

———————————————————————————————————————————————–

8: هل محتاج ادخل اختبار شهادة +Security ولا يكفي دراستها فقط ؟

ج:بتختلف من شركه لشركه وحسب الدوله بردو

———————————————————————————————————————————————–

9: هل اقف عند دوره معينه وابدا اقدم علي وظيفه ؟

ج: لا قدم علي وظيفه اثناء دراستك لان دايما مفيش حاجه بتكون ضامنها بنسبه 100% وكمان علشان تكتسب خبره الانترفوز كمان اللي هتدخلها

———————————————————————————————————————————————–

10: دا سؤال بتسأله بشكل يومي وكل ساعه وهو ان مهندس احمد دايما مشغول, مهندس احمد مش بيرد عالواتس, مهندس احمد متي هيخلص الدورات , مهندس احمد هيشرح ewaptx & oscp , هل فيه فاوتشرات خصم موجوده ولا مش متاحه ؟

ج: مهندس احمد شخص انسان زيي زيك ليه حياته الشخصيه والعمل بتاعه وضاغط نفسه في شرح الدورات علشان يرضي جميع الطلاب والفتره دي مشغول علشان يسرع عمليه الشرح امبارح نزل 10 فيديوهات من دوره الsysa فهو ضاغط نفسه جدا ولو فتح سوشيال ميديا ورد علي الجميع اليوم هيكون ضاع منه مش هيلحق يسجل والطلاب بتزعل تاني فاانا موجود في اي وقت ومتاح ال24 ساعه طول اليوم والله واي مسج بتتبعت بيوصلني اشعار بيها وبرد علطول فااي طالب محتاج اي شئ سواء اساله تقنيه او جزئيه مش فاهمها ومحتاج شرحها تاني او اي طالب محتاج فاوتشرات خصم او اي شئ ياريت يبلغني بيها وانا هكون تحت امركم جميعا ولكن هو ندي مساحه صغيره بس لمهندس احمد ينتهي من شرح الدورات وهو هيكون Active طول الوقت ان شاء الله, اما بالنسبه لشهاده EWAPTX & OSCP فهي في الخطه ان شاء اما موعد بدايتهم لسه مش دلوقتي اما ننتهي من شرح الدورات الموجوده حاليا ان شاء الله

“دمتم بخير”