مرحبا بالجميع

بعد تغير نظام الاكاديميه واضافه نظام النقاط فيه شويه معايير لازم حضرتك تتبعها قبل اي حاجه

1: حضرتك لما ترد علي حد في كومنت تكون متاكد من اجابتك مليون في الميه خصوصا في دورات كومبتيا لانها للمبتدئين وممكن اجابتك تغير تفكير شخص او تغلطله معلومه

2 : لما تنشر شئ علي حائط التحديثات اللغه تكون بالعربيه الفحصي ودا لان فيه طلاب من 25 دوله فممكن طريقه كتابتك فيه ناس متفهماش

3: المقال اللي هتكتبه يكون مقال علمي بحت وليس عبث او عباره عن مقالات بتنسخها وتلصقها لازم يكون المقال هادف وبطريقه صحيحه 100 %

4 : المعلومه اللي مش متاكد منها قبل متكتبها ممكن تبحث عنها او تسالني فيها او تسال مهندس احمد وهتاخد الاجابه الصحيحه

5 : مش عاوز يكون غرضك هو تجميع نقاط لاجل شراء دوره الفريق بالكامل في الاكاديميه بخدمه الجميع وكل الاشخاص طلباتهم مجابه فدايما ركز انك تقدم حاجه تفيد زمايلك دا هتاخد منه سمعه كويسه ليك واسمك يكون معروف انك شخص فاهم وليس عبثي والفايده اللي انت بتقدمها الاكاديميه بتحولهالك لنقاط تستفاد منها

6 : اي مقال هينزل ان شاء الله لو فيه معلومات غلط هيتم حذف المقال ونقص عدد النقاط من حسابك بشكل تلقائي

دمتم بخير جميعا