مرحبا بالجميع

بقالي فتره ملاحظ الترافيك وسجلات الموقع ولكن فيه بعض الملاحظات عاوز اتكلم فيها , انت كطالب بتتعلم مجال”الامن السيبراني” وبتتعلم ازاي تنفذ الاتاك بتاعك والثغرات ……الخ ليه بقا بتجرب علي نت رايدرز اكاديمي اللي هو سبب انك تتعلم , ليه مثلا الشباب اللي بتستخدم ادوات الدوس اتاك وتيجي تجرب عالموقع , ليه مثلا حد كل شويه يجي يحاول يوصل للادمن بانل , ليه مثلا يتلاحظ ان فيه حد بيحاول يحمل فيديوهات ويحاول ينزلها , ليه بردو نلاقي حد بيستخدم انواع مختلفه من الاتاكس وبيستخدم VPN وبيتعب نفسه ؟

اي الغرض من انك تعمل كدا يعني اي العائد اللي بتستفاد منه لما تحاول تضر المكان اللي بتتعلم منه

لو حضرتك تعرف حجم المعاناه بتاعت المونتاج وتجهيز الاسلايدات ورفع المحاضرات والشرح مش هتفكر تعمل كدا لاي سبب

اكتر مشكله كانت مواجهه الطلاب وهي اسعار الكورسات اللي هي ثابته من قديم الاذل ومش بتغلي رغم تفاوت الاسعار الخاصه بالدولار وغيره ومع ذالك بشكل مستمر اي حد بيطلب خصم 50% بنوفره ليه , اي حد بيطلب دوره مجانيه بنضيفه فيها بدون ادني مشكله علشان نقدر نفيد اكبر عدد من الطلاب والمكان الوحيد اللي عدد ساعات الدوره بتوصل ل80 ساعه واكتر هو نت رايدرز اكاديمي علشان بردو الطالب يقدر يعتمد بشكل 100% عالمحتوي ويقدر يدخل الاختبار بدون اي مشكله وبدون اي قلق

فيه بعض الملاحظات الاخيره اللي هيتم تطبيقها بشكل صارم جدا ومفيش فيها اي نقاش وهي

1: حاليا بيتم عمل تحديثات في الموقع وبدون اي مقدمات اي ايميل مفتوح من جهازين مختلفين هيتم حظره بشكل تلقائي ومش هيكون ليك اي حق في انك تفعل الايميل تاني حتي لو كنت مشترك بكل دورات الموقع كاملا , هتقولي انا عندي جهازين بفتح منهم هقولك انت بتسمع الشرح علي جهاز وبتطبق علي جهاز اخر يعني ثبت جهاز للشرح وجهاز للتطبيق , هتقولي طيب انا هغير الجهاز بتاعي وكدا هقولك تواصل معي عالواتساب وبعد التاكد من صحه كلامك هديك صلاحيه في انك تفتح من جهاز اخر

هتقولي انا واخويا بنسمع من نفس الايميل هقولك لا بردو مش مسوح بانك تعمل كدا لان دا انتهاك للخصوصيه بردو

2: الفتره الاخيره فيه اكتر من شخص تم حظرهم رغم انهم كانو مشتركين ب3دورات والسبب ان فيه محاولات لتحميل المحاضرات ولما تواصلو معنا وبعد مراجعه سجلات الموقع اتضح ان بشكل تلقائي تم حظرهم بدون تدخل بشري بسبب مخالفتهم لسياسات الموقع

================================================================

رجاءا بلاش تسبب اي حاجه تكون مخالفه لان مش هتستفيد حاجه غير انك هتضر نفسك وخلاص عالفاضي

ادخل الموقع ذاكر واسمع محاضراتك واجتهد علشان ربنا يوفقكك ويكون العلم اللي بتتعلمه دا نعمه مش نقمه عليك

دمتم بخير

مرحبا بالجميع

بقالي فتره ملاحظ الترافيك وسجلات الموقع ولكن فيه بعض الملاحظات عاوز اتكلم فيها , انت كطالب بتتعلم مجال”الامن السيبراني” وبتتعلم ازاي تنفذ الاتاك بتاعك والثغرات ……الخ ليه بقا بتجرب علي نت رايدرز اكاديمي اللي هو سبب انك تتعلم , ليه مثلا الشباب اللي بتستخدم ادوات الدوس اتاك وتيجي تجرب عالموقع , ليه مثلا حد كل شويه يجي يحاول يوصل للادمن بانل , ليه مثلا يتلاحظ ان فيه حد بيحاول يحمل فيديوهات ويحاول ينزلها , ليه بردو