مرحبا بكم جميعا , فيه بعض الاساله اللي دايما بيتكرر وهو ان

يامهندس لازم ادرس المسار التاسيسي بالكامل علشان اكون متاسس صح ؟

انا في اخر سنه في الكليه والموضوع هياخد وقت هل انا مجبر اخلص دراسه المسار التاسيسي؟

انا بالجيش وعاوز اشتغل soc لازم اخلص المسار التاسيسي ومسار محلل الامن السيبراني ؟

الاجابه هي

مبدئيا انت كطالب لسه هتخطي اول خطوه في حياتك في مجال الامن السيبراني مجال لسه متعرفش عنه اي شئ ولا اشتغلت بيه هل هينفع انت دلوقتي تخش في التخصص بتاعك علطول”فيه اكتر من 15 تخصص في المجال دا هنتكلم عنهم بالتفصيل ان شاء الله لاحقا”

ولكن هل انت مجبر تدرس المسار التاسيسي كاملا ؟

ايوا انت مجبر علي ذالك لاكتر من سبب

اول سبب ان كل مجالات الامن السيبراني فيه 4 مواضيع مشتركه لا غني عنهم واول موضوع هو اساسيات الحمايه المختلفه يعني بتشمل حمايه الكلاود والشبكات والتطبيقات والسيرفرات وقواعد البيانات وتطبيقات الويب والIOT وغيرها كتير . يبقي لازم تكون علي علم وخلفيه قويه عن كل دا مش من المعقول هتدخل تشتغل في تخصص اختبار اختراق الويب من غير متعرف هو ازاي بيشتغل التطبيق دا او مبني ازاي ” بالبلدي كدا مش هتعرف تخترق الحاجه دي من غير متفهمها ” المواضيع دي كلها في دوره السيكيورتي بلس سوا الاصدار القديم او الحديث مش هنختلف ولكن لابد من دراسه الدوره دي لو انت مبتدئ

تاني موضوع وهو انظمه التشغيل اللي تشمل ويندوز ولينكس وماك دول التلت انظمه المشهورين واللي بيستخدمو لازم تكون عارف تتعامل عليهم ازاي . لازم تعرف تستخدم كالي لينكس وويندوز دا ضروري لا مفر منه و100% من الناس في مجال امن المعلومات بتستخدم ويندوز فاانت ينقصك بس تستخدم كالي لينكس وخلاص وهتتعلم ازاي تستخدمه في دوره زي اللينكس بلس دي هتخليك قادر تتعامل علي لينكس بااحترافيه

تالت موضوع وهو الشبكات , مفيش اي شركه في العالم معندهاش نتورك كامله خاصه بيها واانت داخل في مجال الامن السيبراني اللي كله عباره عن اختراقات بتحصل عن بعد يبقي لازم تفهم الشبكات”تفهههههههم” الشبكات مش بتتحفظ . دا هتقدر تدرسه في دوره زي النتورك بلس او الccna ولكن لو انت هتكمل في مجال امن المعلومات يبقي يكفي النتورك بلس فق

هتغطيلك كل المواضيع اللي انت محتاجها وزياه كمان

رابع موضوع وهو الاساسيات بقا بتاعت اختبار الاختراق . فيه شقين في مجال الامن السيبراني وهما offensive security & defense security يعني هجوم ودفاع فاانت علشان تعرف ازاي تدافع عن نفسك لازم تفهم ازاي تهاجم يبقي انت علشان تقدر تشتغل في الاتنين لازم تفهم اساسيات اختبار الاختراق ودا موجود في دوره الeJPT v2

ملاحظه اخيره : هنا المسار التاسيسي ليس المقصود بيه المواضيع الرئيسيه يعني الاربع مواضيع اللي قولتهم لا مفر منهم لازم هتدرسهم وبااتقان شديد جدا لان دا الاساس بتاعك “مينفعش تبني عماره من غير اساس وخرسانه قويه”

كدا انا جاوبت علي اول سؤال انت ليه مجبر تدرس المسار التاسيسي

السؤال التاني وهو انك لو في اخر سنه كليه والوقت ضيق تعمل اي وعاوز تنجز ؟

هتدرس نفس المواضيع بردو ولكن تاخد المتوسط منها يعني خد مايكفيك فقط لحد الدنيا متكون تمام وتكمل

السؤال التالت لو انت في الجيش تعمل اي ؟ حقيقه الامر هيكون صعب ولكن كل شخص حسب ظروفه هتقدر تكيف نفسك عالظروف دي ازاي فيه اشخاص ممكن يحمل الكتاب بتاع حاجه معينه يقراه او يكو فيه ظروف تخليه يقدر يزاكر بشكل طبيعي

ولكن في مجمل الامر مها كنت في اي او في سن كام او غيره فاانت لازم تدرس المسار التاسيسي بشكل متقن وبعد كدا اختار التخصص براحتك .

اتمني اكون جاوبت علي الاساله اللي متكرره بشكل يومي

دمتم بخير