-
في موضوع زاد عن حده الفترة الأخيرة هنا فى الأكاديمية وهو موضوع المشتركين الجدد اللى بيشتركوا فى كل الدورات المجانية مرة واحدة وبعدها بـ ساعات يخلصوا كل الدورات عن طريق انه يدخل علي كل درس فى كل دورة ويضغط Next في كل درس لغاية ما يكمل كل الدروس عشان ف الآخر يحصل علي شهادة اتمام الدورة !
انت كده بتضحك علي مين ؟ انت الخسران لأنك ضحكت علي نفسك ومستحيل طبعا ترجع للدروس مرة تانية وهتشوف دورة غيرها وتعمل نفس الموضوع ! وعشان ايه فى الآخر .. صورة مكتوب عليها اسمك واسم الدورة ! وعشان تجري تضعها علي Linkedin وتنتظر عبارات التهنئة والثناء من الأصدقاء !
في المقابل لازم نقول انك متقدرش تعمل كده فى الدورات المدفوعة اللى انت دافع تمنها وتعبت فى فلوسها عشان تجمعها !
طيب انا هريحك خالص وبلاش تتعب نفسك فى Next عشان تلحق تحصل شهادة اتمام الدورة .. بداية من الأربعاء ١٦ أكتوبر ٢٠٢٤ تم الغاء شهادات اتمام الدورة للدورات المجانية ما عدا دورة eCIR Prep
عضو غير معروف, Ibrahim Khalil و 26 آخرون12 تعليق-
مهندس احمد
ان شاء الله حضرتك تكون بخير
ياريت لو في اي طريقه حضرتك ممكن تعملها للناس دي بحيث تعمل ليهم بلوك او محدش منهم ياخد الشهاده
لكن في المقابل الناس اللي بتحاول تخلص الدروس وتسمع كل الفيديوهات ولما تخلص الدورة كلها يكون لها شهاده
1-
@abdullah-mhmd شوف يا عبد الله .. أي قرار انا باخده بيكون بعد صبر وطولة بال مني ومحاولات لتفادي المشاكل اللي زي دي لكن مهما عملت مش هقدر أرضي كل الناس .. فى الآخر انا بفكر فى المنفعه العامة وضرورة استمرار الأكاديمية بالشكل اللي انا شايفه مناسب ويحقق أهدافها لما أسستها.
وأكيد انت فى الآخر يهمك المادة العلمية ومحتوي الدورة نفسه وليس مجرد صورة عليها اسمك هي اللى هتثبت معرفتك بالدورة.
4-
@asultan كلام حضرتك مظبوط يا مهندس احمد
ربنا يجازيك كل خير علي كل درس في الدورات كلها و ربنا يبارك فيك
طبعا المهم اني استفاد من المادة العلميه ومحتوي الدورة زي ما حضرتك قولت
لكن ياريت لو حضرتك تشوف اي حل اخر للموضوع دا بحيث الطلاب اللي تخلص الدورة كلها يكون ليها شهاده
لكن الناس اللي عايزة شهاده وخلاص وكل مرة تعمل skip للفيديوهات دي حاول حضرتك تمنعها
جزاك الله كل خير علي ما قدمته لنا
1 -
-
@abdullah-mhmd الموضوع مش سهل يا عبد الله وهيستهلك كتير من وقتي وجهدي حاليا .. ممكن مستقبلا أشوفلها حل آخر لكن حاليا كان لازم الشهادات للدورات المجانية تقف عشان ألحق أوقف الماسورة اللى اتفتحت بتاعت اي حد يسجل فى الدورة الساعة ١٠ والساعة ١٠ ونص يحمل الشهادة !
2
-
-
-
-
طيب يا مهندس احمد
اللي حضرتك شايفه صح للمنصة لازم يتنفذ
شكرا جدا ليك
2 -
احب اضيف شغلة انك تلغي فقرة reset data كذلك
-
@mohammad-mahmoud هذا الخيار مناسب للأشخاص اللى حابين يعودوا لدراسة نفس الدورة بعد فترة في حالة النسيان.
-
-
اشتركت في معظم الدورات اللي محتاجها ومنتظر ان شاء الله اوفر وقت مناسب ليها علشان ابدأ فعلا كلام حضرتك صح اهم حاجه اني فاهم المحتوي صح
جزاك الله خيرا بشمهندس احمد
-
حضرتك ي بشمهندس أنا بحمل الفيديو و اسمعه عندي بعدين لما بخلصه بدوس complete وده لاني قاعد ف سكن جامعي ومش عندي نت
ارجو من حضرتك تخليني اقدر اعمل complete عشان بجد مبيبقاش عندي نت
وشكرا مقدما-
@omar_salah ممكن تقولي إزاي حملته أوفلاين . لأنه هيساعدني أخلص بسرعه . و شكرا و أتمنى يكون متاح هذا الأمر . ربنا يكرمكم جميعا في كل مسعي
-
-
ولما يبقى فيه ناس طبيعيين بيذاكروا بضمير و مستنيين يخلصوا علشان ياخدوا الشهادة ويحسوا بالانجاز الحقيقي يتاخدوا بذنب الهمج دول , فعلا ولاد الحرام ماسابوش لولاد الحلال حاجة ,,,, ان شاء الله يكون فيه تعديلات في المستقبل تحمي حقنا
-
