مرحبا بالجميع :

بعض الشباب بتبعتلي تقولي انا درست كورس س وكورس ص تنصحني ادرس اي تاني ؟

حقيقه الامر مش برد عالسؤال دا لاكتر من سبب وهي ان صيغه السؤال غلط

المفروض علشان اقولك ادرس كذا فيه كام نقطه لازم اعرفهم عنك علشان اجاوبك صح واقصر عليك الطريق

1 : المفروض تقولي انت تخصصك اي في الجامعه او انت بتدرس منهج اي في الجامعه ولو انت خريج قولي انا بشتغل علي تكنولوجي كذا كذا

2 : تقولي انت خريج ولا طالب لان بناء عليه فهقولك دا هتقابله في شغلك مثلا او هتلاقيه في منهج الجامعه بتاعك

3 : تقولي الكورسات اللي انت درستها كلها والmain points بتاعت المواضيع اللي درستها علشان ماقولك علي كورس يكون نفس اللي انت ذاكرته ونبقي بنضيع وقت بعض

4 : تقولي التارجت بتاعك عاوز تكون اي او اي البوزيشن اللي بتسعي ليه علشان اقولك ادرس دا او دا

===الحاجه الاخيره اللي عاوز انبه عليها وهي ان كورسات السايبر سيكيورتي عباره عن دايره كل الكورسات بتاخد من بعضها يعني هتلاقي في الOSCP مثلا حاجات عن الAD وهتلاقي نفس الحاجات في الCRTP وغيرها بااختلافات بسيطه فمش لازم تحرق وقتك في كورس كامل علشان حته صغيره انت عاوزها فعلشان كدا لما اقولك اديني التفاصيل دي متزهقش وتفكر اني برخم عليك احنا هنضيع خمس دقايق وقت بس ممكن تقصر عليك تعب 5 سنين قدام خصوصا ان المجال دا ابديت بشكل يومي ولحظي حرفيا بمعني الكلمه واللي هينفع النهارده ممكن مينفعش بكره

دمتم بخير